غم بہ دل، شکر بہ لب، مست و غزل خواں چلیے​

[Ali_]

غم بہ دل، شکر بہ لب، مست و غزل خواں چلیے​
جب تلک ساتھ ترے عمرِ گریزاں چلیے​
​
رحمتِ حق سے جو اس سَمت کبھی راہ ملے​
سوئے جنّت بھی براہِ رہِ جاناں چلیے​
​
نذر مانگے جو گلستاں سے خداوندِ جہاں​
ساغرِ مے میں لیے خونِ بہاراں چلیے​
​
جب ستانے لگے بے رنگیِ دیوارِ جہاں​
نقش کرنے کوئی تصویرِ حسیناں چلیے​
​
کچھ بھی ہو آئینۂ دل کو مصفّا رکھیے​
جو بھی گزرے، مثلِ خسروِ دوراں چلیے​
​
امتحاں جب بھی ہو منظور جگر داروں کا​
محفلِ یار میں ہمراہِ رقیباں چلیے​

Similar Threads:

• غم بہ دل، شکر بہ لب، مست و غزل خواں چلیے
• بوئے گل، نالہ دل، دودِ چراغِ محفل
• رحم کر، ظالم! کہ، کیا بودِ چراغِ کشتہ ہے
• ہوئی یہ بیخودی چشم و زباں کو، تیرے جلوے سے
• جب دہر کے غم سے اماں نہ ملی، ہم لوگوں نے عشق ا